|
متى المقابلة الشخصية ؟
السلام عليكم ورحمة الله وبركاته
أنا احد المتقدمين لاختبار المصادر .. لكن متى المقابلة الشخصية ؟؟ أتمنى أحدي يفيدنا باهذا الخصوص .. ولكم الشكر .. |
وعليكم السلام ورحمة الله وبركاته
مرحبا بك أخي / alamir تجد الخبر في إدارة التربية والتعليم التي تتبع لها كل إدارة تختلف عن الأخرى في مواعيد الاختبارات والمقابلات وفقك الله . |
بارك الله فيك ..
أنا في الرياض .. |
من اختبر تحريري في الرياض للتقديم لمركز مصادر التعلم
السلام عليكم ورحمة الله وبركاته
احد جاله اتصال من بعد الاختبارالتحريري .... ارجوا الرد وعلمونا احنا برى راحت علينا والله وش السالفه ... |
مرحبا بك أخي / alamir
انا من الناس الي اختبروا تحريري في الرياض والظاهر انك معنا ... عساهم دقوا عليك او ارسلوا لك رساله .. مدري وش صار معنا احنا نجحنا في الاختبار والله كنسلونا .... |
|
والله ما ظنيت والله لو يصححون رسالة دكتورا يمديهم خلصوا ... ما ودي احطمك لكن عسى الله يجيب الفرج انشاء الله ...........
|
اخوي معتق ...
اذا كنت تقصد الاختبار الذي تم في 10/3 /1429 هـــ في الرياض -مجمع الامير سلطان التعليمي انا من الذين حظروا الامتحان التحريري والى تاريخ 22/3 /1429 هــ لم يرسلوا رسالة او اتصال يفيد بموعد المقابلة الشخصية يقولون من اخذ 75./. يستحق الاستمرار والمقابلة الشخصية .... هااااااااه لاتنسااااااناااااا اذا جاك اتصال الله يوفق الجميع دمت بخير |
والله انك صادق اخوي معتق
تقل اختبار لنيل درجة الماجستير هههههههه..... ترى الي يراقبون علينا يوم التحريري مشرفوا مواد غير المكتبات |
السلام عليكم ورحمة الله وبركاته
الأخوة الأعزاء alamir معتق الصحافة نسأل الله لكم التوفيق والنجاح ونتمنى لكم ومنكم جهود طيبة في أمانة مركز مصادر التعلم إن شاء الله وفقكم الله |
اضحك الله سنك يا اخوي الصحافة ....... رسالة ماجستير ..... وهو هذا الاختبار الي تقول علية في مجمع الامير سلطان ولو ادري عنك كان جيت يمك يمكن نطلع بإجابة والله لو تشوف المراقبين علينا تقول خايفين اننا نغش ضحكوووووني ... لكن صدق الي يجلس على كرسي الطلاب يبقى طالب ...بعدين انا ودي اعرف اتصلت على مدير تقنيات التعليم وقالي حاجة والله تقهر انا اخذت دوره مدتها شهر عن تقنيات التعليم ودوره في المكتبات المدرسيه ودوره عن مركز مصادر التعلم ... ولكن المصيبه انها ماهي داخله في المفاضله لاني اخذتها قبل 3 سنوات وقبل 3 سنوات الدورات مو داخله في التقييم يعني بالعربي بلها واشرب ميتها ...
وهذا احنا ننتظر الاتصال ... |
هلا بالشباب ..
يا معتق خلك متفائل هههه أما بالنسبة للدورة اللي تقول عليها اعتقد راح تنفعك بإذن الله تعالى .. والمقصود بالثلاث سنوات .. أي دورة اخذتها خلالها .. حتى يلاحظون هل انت شخص تحب تطور من نفسك بأخذ دورات .. أو نانيم على عينك .. هههههه تحياتي لكم .. |
| الساعة الآن 08:03 AM. |
Powered by vBulletin® Copyright ©2000 - 2024, Jelsoft Enterprises Ltd.
جميع الحقوق محفوظة لـ : منتديات اليسير للمكتبات وتقنية المعلومات
المشاركات والردود تُعبر فقط عن رأي كتّابها
توثيق المعلومة ونسبتها إلى مصدرها أمر ضروري لحفظ حقوق الآخرين