[وردة النسرين]

السلام عليكم
اتمنى تساعدوني بالاشياء المهمه والضرورية
انا موظفه في مدرسه اهليه توها فاتحه هاذي السنه من شهرين وماعندي خبره سابقه ومعلمه رياضيات للصفوف الاوليه 1-2-3 ابتدائي غير كذا عندي رياده فصل
وعندي اركان اشتغل عليها
وعندي نشاط
وعندي كنترول ايام الاختبارات
والادهى من هاذا كله عندي المصادر في القسم الثانوي
واليوم سلموني المصادر في قسم ابتدائي ومتوسط
المهم المصادر مافيه ولاشيء
بس ارفف وكتب لايتعدى عددها في كل مصادر ال100 كتاب
وفيه بروجكتر وطاولتين و2 كمبيوتر في كل مصادر
شاشه عرض بس منتحره محد متكرم يثبتها لي بس
بين كل يوم والثاني مهزئيني ليه ما اشتغلتي في المصادر
حتى مفتاح ماعندهم وكل يوم بيصلحونه ومافيه امل ليه شهر وانا اطلبهم
عطيتهم ورقه طلبات للاثاث والاشياء المهمه ولاجاء ولاشيء
فوق هاذا كله سويت لوح ع البوردات بتكلفه خمس ميه ريال ولادفعوا لي ولا فاتوره ويبغون اجيب الباقي من عندي شكلهم
وما استلمت ولا سجل ولا اي شيء
فوق هاذا كله ابغى ارتب الكتب واوزعها وضايعه بقوه ما ادري وين ربي حاطني فيه
اسمع باليسير بس ما ادري شنو
ودي ااتحرك واشتغل بس ضايعه مو عارفه كثير فكرت افصل بس ابغى خبره هاذا اللي مصبرني
والراتب مايسوى وليته يغطي مصاريفهم

تنصحوني اطلع من هالمدرسه ولا كيف
اذا استمريت علموني الخطوات الاساسيه من وين ابدأ
ابغى ارتب الكتب كيف طريقتها وكيف احط عليها الملصقات وعلى اي اساس
ياليت تبدؤون معي اول باأول ومن غير اشياء معقده
واحصل عندكم مرفقات بالسجلات المهمه فقط مثل استعاره الكتب والمصادر واستعاره بعض الاثاث مثل البروجكتر وبس هاذا اهم شيء عندي
ساعدوني تكفون مالي بعد الله الا انتم