[قدها وقدود]

السلام عليكم

اختي هذا الدرس ممل جدا

يعني الله يهديها ماختارت غير هالدرس

المهم

حاولت كذا على السريع اني اتذكر مقدمة لك امممم

شوفي

أول شئ لازم تفتشين على الواجب وتحلينه مع البنات .. وتسألين عن الدرس السابق

ممكن تستفيدين بتمهيد الدرس من درس( نشأة وتعريف المكتبات ومراكز المعلومات )

اللي هي المقدمة اللي بأول الدرس

على السريع إن المكتبات مع تضخم الانتاج الفكري واستخدام تقنيات المعلومات الحديثة تطورت هذه المكتبة لتصبح ماذا ؟؟؟

هم ان شاء الله يجاوبونك ( لتصبح مراكز المعلومات ) .. ووممكن تسألين عنها باللغة الانجليزية على اساس انك ربطيتها بمادة أخرى

طبعا يذكرون لك البنات المصطلح بالانجليزي

بعدين تكتبين موضوع الدرس بعد ما استنتجتيه من الطالبات
ولا تنسين بالبداية قبل ماتفتشين على الواجب انك تكتبين اليوم والتاريخ والمادة والحصة

بعدين تبدين بأول مركز وممكن انك تطبعين صورة على ورق مقوى هذه الصورة

وهم راح يقولون لك الطالبات مركز الملك فيصل للبحوث والدراسات الاسلامية ( ممكن تعلقين الصور على السبورة بالمغناطيس )




وهذا الموقع الرسمي للمركز http://www.kfcris.com/


والباقي بنفس الطريقة

لا تنسين انك تسألين الطالبات بعد الدرس اسئلة تتعلق به ( اسئلة تقويمية )
وخلي دفتر الدرجات مفتوح طول الدرس

ولا تنسين تكتبين الواجب على السبورة

بعدين توزعين ورقة عمل طبعا بمجموعات ... وملاحظة مهمة لازم انك تحلين الاسئلة اللي بالورقة معهم

ايضا لا تنسين الهدف الوجداني ... ممكن يكون الهدف انو لا ننسى الجهود المبذولة ودور مراكز المعلومات في حفظ الانتاج الفكري وتقديمة بإستخدام التقنيات الحديثة ... الخ


ورقة العمل والله اشوف اذا لقيت وقت اسويها لك .. أو ممكن يفيدك غيري فيها

هذا اللي قدرت اطلعه لك .. لإن الدرس مرة مقالي وملل

بس ممكن تستخدمين عرض .. بس انا عن نفسي ماحب سرد النص بالعرض الا اذا عندي صور ومعلومات اضافية للدرس .. اما اسرد الدرس بالعرض فهذا ممل جدا كأنك تقرأين من كتاب

اتمنى اني افدتك .. والله يوفقك يارب