اختى الكريمه وفقك الله فى رسالتك وان شاء الله نحضر مناقشتها بامتياز وتفوق ..
مجلة اليونسكو موجود منها اعداد كثيره فى قسم الدوريات بالمكتبة المركزيه بجامعه حلوان , ومواعيدهم يوميا من 9 وحتى 3 ماعدا الجمعه والسبت .
الدكتور جمال اطلعت على رسالته للدكتوراه من كام يوم وهى بعنوان : الارشيف الحديث فى مصر وهى ممتازه جدا وممكن ترجعى للمصادر للاستفاده , وهى موجوده فى قسم الرسايل الجامعية بالمكتبه القديمة جنب كلية الاداب بجامعة القاهره ومواعيدهم حتى الساعه 4 .
الكتاب اعتقد يكون موجود بالمكتبة المركزيه الجديده بجامعه القاهره لكن للاسف فتحوها رسمي وممنوع الدخول اليها الان والمشكله انهم نقلوا اليها كل الكتب الحديثه وجميع الرسايل بعد سنه 2000 ومعطلين الباحثين فالله المستعان .
ابحثى عنه بفهارس المكتبات بشبكة المكتبات المصرية يمكن يكون بمكتبات مبارك او باحد الجامعات وان شاء الله عند اول زياره لى للمكتبه سابحث عنه .
اى خدمة انا حاضر اختى الكريمه .. وبالتوفيق .
|